Feeds:
ჩანაწერები
კომენტარები

Posts Tagged ‘ბლოგი’

დღეს საღამოს ბლოგს ჩავუჯექი და ერთი ძველი პოსტის ძებნას შევუდექი. 2 წლის წინ შევადგინე to do list რა უნდა გამეკეთებინა, რათა ჩემი აზრით წარმატებისათვის მიმეღწია. ამ გადმოსახედიდან მეღიმება, მაგრამ მაშინ გულწრფელად მჯეროდა რომ ჩემი წარმატების გასაღები სწორედაც რომ ACCA და ბუღალტერია იყო, არადა თურმე ყველაფერი აქვე, ერთი ხელის გაწვდენაზე მქონია. თუმცა მთლად უშედეგოც არ ყოფილა  ACCA დახარჯული დროითი თუ ფულადი რესურსი 😀

ქრონოლოგიურად მივყვები თითოეულ თასქს და მივაკომენტარებ.

  1. აუცილებლად გავაგრძელებ ACCAს მეცადინეობას, ავიღებ F2–ს კი ნამდვილად ავიღე F2-იც და F1-იც 
  2. გადავიღებ CVსათვის ნორმალურ სურათს, ყველგან ან დედაბერივით მოღუშული ვარ ან ყველის ვაჭარივით ვიკრიჭები.  Done
  3. აქტიურად გავაგრძელებ სამსახურის ძებნას და აუცილებლად ვიპოვნი. Done Done Done
  4.  ბლოგინგს სერიოზულად ჩავუჯდები – ეს ნამდვილად ვერ მოვახერხე მესამე პუნქტის შესრულების გამო. იმდენად  დაძაბულ რეჟიმში მიწევდა მუშაობა ბლოგინგი კი არა სმს-ის წერას გადავეჩვიე.
  5. მომავალ წელს მაგისტრატურაში ჩავაბარებ – გადაიდო გაურკვეველი ვადით, ყოველშემთხვევაში მანამ, სანამ Master of Arts არ გააკეთებს რომელიმე ნორმალური სასწავლებელი.
  6.  ACCAზე ვეცდები ინგლისურ სექტორზე გადავიდე. იანვრიდან თუ ვერა გაისად აუცილებლად – ეს საერთოდ ამოვარდა დღის წესრიგიდან, ბუღალტერიას სამუდამოდ დავემშვიდობე 🙂 ამის მაგივრად დავამთავრე გაუ თბილისის პიარ სკოლა და ერთობ ბედნიერი ვარ ამ ფაქტით 🙂
  7. რაც მთავარია აუცილებლად გავიზრდები ყველანაირ ასპექტში – კიდევ ბევრ რამეში ვარ გასაზრდელი :/
სამომავლო to do list-ს საახალწლოდ გავაკეთებ, მანამდე ჩემს პროფესიულ სახეცვლილებაზე დავწერ ცოტას 🙂
2010 წლის აპრილი-მაისიდან აქტიურად შევუდექი სამსახურს ძებნას, იყო ვარიანტები, მაგრამ ან ბევრს არ იხდიდნენ ან არ მაინტერესებდა, მოკლედ არ გამოჩნდა ”საჩემო” არაფერი. ზაფხული მივამთავრე, შემოდგომაზე ლამის დეპრესიამ დამრია ხელი რომ ამ დროს გამოჩნდა ჩემი ხსნა 🙂
გადაცემა ”ვაკანსია”, იმ პერიოდში სატელევიზიო რეკლამებიც ხშირად ტრიალებდნენ, მაგრამ ყურადღებას არ ვაქცევდი, მაგრამ როდესაც ფორუმზე გაიხსნა ამ გადაცემის შესახებ თემა, გადავწყვიტე ბედი მეცადა. ვცადე და ერთ კვირაში დამიბარეს ტესტირებაზე, 3 კვირაში კი უკვე დასაქმებული ადამიანი მერქვა. ძალიან კარგ და დიდ კომპანიაში დავიწყე მუშაობა, როგორც მოლარე-ოპერატორმა, რთული სამუშაო იყო, განსაკუთრებით ჩემი სტილის ადამიანისათვის. სულ ვეძებდი გამოსავალს როგორ მოვქცეულიყავი, ვხვდებოდი რომ ბუღალტერია-ფინანსები ჩემი სტიქია არ იყო, არა იმიტომ რომ ვერ ვიგებდი/არ მესმოდა, უბრალოდ კომფორტულად ვერ ვგრძნობდი იქ თავს და მორჩა.
ერთ მშვენიერ დღესაც გადავწყვიტე ის რაც კარგად ვიცოდი, მიყვარდა, კარგად შემეფუთა და ჩემი კომპანიისათვის შემეთავაზებინა.  დავწერე პროექტი კომპანიის web მარკეტინგულ სტრატეგიაზე და It worked! ერთ თვეში მარკეტინგის დეპარტამენტში გადავედი, დღეს უკვე PR და სოციალური მედიის სპეციალისტი ვარ ❤ მიხარია ძალიან!
თქვენც, ვინც ახლა იწყებთ, გირჩევთ არასოდეს დანებდეთ, არასოდეს ჩამოყაროთ ყურები. ყოველთვის იბრძოლეთ თქვენი მიზნისაკენ, ნელნელა თუმცა აუცილებლად მიაღწევთ. არ შეგეშინდეთ ცვლილებების, ახალი გამოწვევების, მთავარია გიყვარდეთ ის რასაც აკეთებთ, გჯეროდეთ საკუთარი თავის.
არასოდეს არ დანებდეთ! ბოლომდე იბრძოლეთ !
Advertisements

Read Full Post »

დეკემბრის ბოლოს ყველა ბლოგერი აჯამებს გასულ წელს, გამონაკლისი არც მე ვიქნები, მე რა რომ პასიურ ბლოგერად ვითვლები.
რა მოხდა 2011 წელს?
ახალი წელი თავიდან ძალიან ნეგატიურად დაიწყო, იანვარში გარდაიცვალა ბებია, ყველაზე დიდი დანაკარგი ჩემს ცხოვრებაში. თებერვალში ავარია შემგვემთხვა და ორი–სამი თვე მის შედეგებს ვიმკიდით. აპრილიდან სიტუაცია შედარებით დასტაბილურდა.
პირად ცხოვრებაში ყველაფერი მშვიდად იყო, პატარ–პატარა ჩხუბებსა და გაბუტვებს თუ არ ჩავთვლით, ნუ ესენიც საჭიროა, გრძნობებს ამძაფრებს ხოლმე ❤
რაც შეეხება კარიერას, ძიებისა და აღმოჩენების წელი იყო. ბუღალტერიაში ჩემმა თავდაუზოგავმა შრომამ შემდეგი შედეგი გამოიღო: 1. ხელფასი თითქმის ⅓ით მომიმატეს. 2. მივხვდი ეს ჩემი საქმე არ იყო. დავიწყე ზრუნვა პროფილისა და სამსახურის შეცვლაზე.
რა მინდოდა თვითონაც არ ვიცოდი. დავდიოდი გასაუბრებიდან გასაუბრებაზე, ზოგი სამსახური მე არ მაკმაყოფილებდა, ზოგიც პირიქით. ასე გაგრძელდებოდა რომ არა jobs.geზე გამოჩენილი ერთერთი სამინისტროს “სოციალური ქსელების კოორდინატორის “ ვაკანსია. მაშინვე შევავსე ფორმა და გადავაგზავნე. იმდენად მინდოდა ეს სამუშაო რომ გასაუბრების გამო შვებულებაც კი შევწყვიტე. ბოშურიდან თბილისში ჩამოვედი! მართალია ამ შემთხვევაში არ გამიმართლა და სხვა აიყვანეს (აბა საბას კონკურენციას როგორ გავუწევდი) მაგრამ მივხვდი რა მინდოდა, როგორ უნდა გამეკეთებინა ეს ყველაფერი. დავიწყე თავდაჯერებული სვლა მიზნისაკენ. 
შვებულებიდან დაბრუნებული შევხვდი ჩემი კომპანიის (სადაც ვმუშაობ) სარეკლამო განყოფილების უფროს და შევთავაზე თანამშრომლობა კომპანიის სოციალურ ქსელებში გააქტიურების საკითხზე. მთხოვეს კონკრეტული გეგმა შემედგინა. მოვამზადე პრეზენტაცია და წარვუდგინე. საკმაოდ კარგი გამოვიდა, მადლობა დოდკას და სალომეს 🙂
პრეზენტაციაზე ბევრი ვიდისკუსიეთ, საბოლოოდ შემაქეს, ცოტა სამომავლო გეგმებიც დასახეს და დამემშვიდობნენ. ეს მოხდა სექტემბერში, ნოემბრამდე არავინ შემხმიანებია, ჩავთვალე რომ დაივიწყეს, არ დაინტერესდნენ და აი ერთ ბედნიერ დღეს დამიბარეს და მითხრეს, მოემზადე იანვრიდან ვიწყებთ!
ძალიან გამიხარდა, ორმაგად მოტივირებული ვარ და უდიდეს პასუხისმგებლობას ვგრძნობ ყველას წინაშე ვინც ეს საქმე მანდო.
ყველაფერს გავაკეთებ რომ იმედი არ გავუცრუო არავის.

Read Full Post »

2კვირაა დასაქმებული ადამიანი მქვია, და მე ამით ბედნიერი ვარ 🙂 დღეს რა ხდება არ მოვყვები, გრძელი ამბავია, ყოველი საღამო კი ერთმანეთს გავს, 7ზე მთავრდება სამსახური, იქედან პირდაპირ დედასთან, ანო ხშირ შემთხვევაში კარებშივე მხვდება მხიარული ჭყლოპინით, ჩამეხუტება და მეფერება.  დედა ისევ ისე მივლის როგორც ადრე, საჭმელი მაგიდაზეა, ვჭამ და თან იმ დღის ამბებს ვუყვები.  მალე გიორგიც მოდის და ”ბოშათა ბანაკი” ორთაჭალას მოემგზავრება 🙂 გზაში ისევ საუბრები განვლილ დღეზე, სამომავლო პერსპექტივებზე და ყველაზე ხშირად ჩვენთვის ამ ბოლო დროს ძალიან აქტუალურ თემაზე ”ძიძა”. დღეს თუ არა ხვალ აუცილებლად დაგვჭირდება მაგრამ ორივე ჯერჯერობით ფეხს ვითრევთ. იმ ”ერთადერთის” გამოჩენას ველით დანახვისთანავე რომ მივხვდებით რომ ეს ისაა, ჩვენი შვილის ძიძა  🙂

სახლში მოსული პატარა ოპერაციების შემდეგ ვჯდები კომპიუტერთან, ვხსნი Facebookს, ფორუმს, ბლოგს და მეილს. გუგლ რიდერი პოსტებს ვეღარ იტევს, ნელნელა ვკითხულობ, ვერ ვასწრებ ერთიანად, არადა ჩემთვის ერთი სიხარული იყო დილაობით ახალი პოსტები რომ მხვდებოდა ხოლმე. FBც თითქმის მივატოვე.  ბლოგის სტატებში ამ ბოლო დროს აქტიურობა შეიმჩნევა, მე კიდევ წარმოუდგენლად პასიური გავხდი. არა იმიტომ რომ იდეები არ მაწუხებს უბრალოდ ვეღარ ვწერ. დღეს მომინდა ყველა ჩემი მეგობრისათვის მომეყოლა როგორ ვცხოვრობ ამ ბოლო დროს, რატომ დავივიწყე ყველა. რამდენად მოვახერხე არვიცი, სწრაფ-სწრაფად ვწერ უნდა გავიქცე და ჩემს გოგოს ჩავეხუტო ❤

Love u people 🙂

 

Read Full Post »

არსებობენ მომღერლები, შემსრულებლები რომელთა ხმის ტემბრი რატომღაც სექსის ასოციაციას და სექსუალურ აღგზნებას იწვევს ადამიანებში. ჩემთვის ყველაზე ყველაზე ტემპერამენტიანი და სექსუალური ხმები: არათანმიმდევრულად 😉

  1. Barry White – Never never gonna give you up
  2. The Coasters – Down in Mexico შენდაუნებურად გეხდევინება 🙂 
  3. ბევრისთვის შეიძლება უკვე ძალიან ბანალური მაგრამ ჩემთვის საყვარელი Joe Cocker- You can leave your hat on არა მარტო ამ კომპოზიციით.
  4. Lenny Kravitz –Again
  5. Robbi Wiliams –Feel სიმღერა იქეთ იყოს და კაციც  იგივე ასოციაციას იწვევს  🙂  რობ თაჩ მი 🙂
  6. Tracy Chapman – Give me One reason ერთი შეხედვით სასტიკად არასექსუალური მაგრამ ამავდროულად უსექსუალურესი ტემბრით
  7. Enigma – Principles of lust საერთოდ სხვა განზომილებაში გადადიხარ, მხოლოდ 2ნი 
  8. Touch and Go – Straight to number one
  9. Oliver Shanti – Sacral Nirvana
  10. Buddha Bar – Desire უსასრულობისაკენ 
  11. Nine Inch Nails – Closer
  12. Donna Summer – Love To Love You Baby

პ.ს ველოდები თქვენს სექს–ასოციაცია კომპოზიციებს კომენტარებში 😀

პ.პ.ს დათაგვისას აღმოვაჩინე რომ თეგი “სექსი” არ მქონია 🙂

Read Full Post »

გასული კვირა ძალიან ადტვირთული მქონდა, რაც ძალიან აისახა ჩემს ონლაინ აქტიურობასა და მხედველობაზე. 24 საათიდან მინ. 16 საათი წიგნი მეკავა, დანარჩენი დრო ან მეძინა ან ბავშვს ვაჭმევდი. შედეგი “უუუუზარმაზარეეა” თუ პატარა 1ში გავიგებ 🙂 ამდენი ხნის მანძილზე, წინა პოსტებში თურმე ტყუილად  ვწუწუნებდი, ვმეცადინეობ ვმეცადინეობ, აი ახლა გავიხსენე რას ქვია სწავლა და მეცადინეობა. 20თემიდან 8თემა გადავღეჭე, შესაბამისად გამოცდაზე საკითხების ნახევარი, ნახევარ საათში ამოვხსენი. დარჩენილ 12 თემასაც იგივეს ვუპირებ იმედია გამომივა.

გამოცდის და მეცადინეობის გარდა ამ კვირაში გასაუბრებაზეც ვიყავი, გადასარევი ორგანიზაცია კოლექტივი მაგრამ ხელფასი sucks, ზაფხული რომ არ ყოფილიყო დავფიქრდებოდი აუცილებლად მაგრამ ამ სიცხეში ბავშვს ქალაქში ვერ ამოვხუთავ. ჰაერის გამოცვლა აუცილებლად ჭირდება. შესაბამისად მივარეჯექტე. თუმცა ჩემს თვითშეფასებაზე საოცრად იმოქმედა, ე.ი არ დავჩლუნგებულვარ სახლში ჯდომისაგან და ჩემი თავის კარგად პრეზენტაცია კიდევ შემძლებია 🙂

@ coscan homes(c) coscan homes

დღეს ჩემთვის ვიჯექი და ვფიქრობდი სამომავლო გეგმებზე. დიდი ხანია აღარაფერი დამიგეგმავს, როგორც წესი არასოდეს გამომდიოდა რაც მინდოდა, მაგრამ ახლა რეალურად მივუდექი საკითხს. ისეთ რამეზე ვორიენტირდები რისი უნარიც შემწევს.

1. აუცილებლად გავაგრძელებ ACCAს მეცადინეობას, ავიღებ F2–ს.

2. გადავიღებ CVსათვის ნორმალურ სურათს, ყველგან ან დედაბერივით მოღუშული ვარ ან ყველის ვაჭარივიტ ვიკრიჭები.

3. აქტიურად გავაგრძელებ სამსახურის ძებნას და აუცილებლად ვიპოვნი 🙂

4. ბლოგინგს სერიოზულად ჩავუჯდები. (ოღონდ სექტემბრიდან, მანამდე უბრალოდ ინტერნეტი არ მექნება სოფლად 🙂 )

5. მომავალ წელს მაგისტრატურაში ჩავაბარებ

6. ACCAზე ვეცდები ინგლისურ სექტორზე გადავიდე. იანვრიდან თუ ვერა გაისად აუცილებლად

7. და რაც მთავარია აუცილებლად გავიზრდები ყველანაირ ასპექტში.

1წლის შემდეგ დავუბრუნდები ამ ლისტს და გადავხედავ რა შევასრულე და რა არა 😉

Read Full Post »

ბევრ რამეზე როდესაც გინდა ილაპარაკო როგორც წესი ვერაფერზე საუბრობ დამაჯერებლად და საფუძვლიანად, ამიტომ სჯობს გაჩუმდე. ”ბრძნად მეტყველებაი ვერცხლი არს, ხოლო დუმილი ოქროი რჩეული” მერჩულესაც ასე  უთქვამს ხოდა მეც ვუჯერებ  🙂 ბოლო რამოდენიმე დღეა აქტიურად:

1. დავიწყე მეცადინეობა

2. ჩავუჯექი სვითის ბლოგს, (როცა ბუღალტერიის ნერვი აღარ მაქვს ხოლმე ) ბევრი რამის სწავლა შეიძლება ამ გოგოსგან.  მჯერა თუ ყველაფერს გავითვალისწინებ და ცოტა ჩემებურ ელფერს მივცემ ჩემგანაც შეიძლება კარგი ბლოგერი გამოცხვეს.

3. ვტრიალებ სამზარეულოში :დ

4. ბავშვს ვასეირნებ ორთაჭალის მასშტაბით

5. შესაბამისად ძალიან ვიღლები და უგონოდ ბევრს ვეწუწუნები მეორე ნახევარს. რომელიც ზუსტად 2წუთში მამშვიდებს 😀

სამომავლო გეგმა ასეთი მაქვს: გამოცდას ჩავაბარებ და აქტიურად მივხედავ ბლოგს :ბის:

Read Full Post »

როდესაც ცუდ ხასითზე ვარ, მაშინვე მივაშურებ ხოლმე ფორუმის რამოდენიმე განყოფილების ზეთემებს, იქედან შუბლშეკრული გამობრუნდე შანსი არაა 🙂 ჩემს ბლოგსაც ყავს რამოდენიმე ერთგული მკითხველი, დღეს ვეცდები ისინი გავახალისო, ისეთ შემთხვევებს დავწერ საავტორო უფლებები რომ არ ვრცელდება 🙂

1. მიმღებ განყოფილებაში მოხვედრისას ავადმყოფს გული გაუჩერდა და თავი უკეთ იგრძნო.
2. მეორე დღეს მუხლი უკეთ გამოიყურებოდა, მესამე დღეს კი საერთოდ გაქრა.
3. ავადმყოფმა გაკვეთაზე უარი თქვა.
4. ანამნეზში სუიციდი არ აღინიშნება.
5. მიუხედავად გაფრთხილებისა ავადმყოფმა განავალი მაინც სხვა კლინიკაში დატოვა.
6. ავადმყოფი ყინულზე წაიქცა და ფეხები შუა დეკემბერში ურთიერთსაპირისპირო მიმართულებით გაუცურდა.
7. სუნთქვის გაძნელება ფილტვის შეშუპების აშკარა ნიშნებით ავადმყოფს დაეწყო სახლში, სქესობრივი აქტის დროს, რომელიც მიმღებ განყოფილებაში თანდათან გაურთულდა.
8. პაციენტის მტკიცებით მის სახლში უცხოპლანეტელები ცხოვრობენ ტარაკნების სახით.
9. ავადმყოფი პალატაში არ არის ე.ი. მდგომარეობა დამაკმაყოფილებელია.
10. ავადმყოფი საწოლში აქტიურია, ხშირად იცვლის პოზას.
11. დიაგნოზი: მწვავე რესპირატორული ინფექცია. საბოლოო დიაგნოზი: მარცხენა ბეჭის ფრთის დამწვრობა.
12. ავადმყოფის ჩივილები: შარდვა მაღალი წნევით.
13. უჩივის მხედველობას: ქალიშვილს ქალისგან უკვე ვეღარ არჩევს.
14. მკურნალობდა შინაური მეთოდებით: დილით სვამდა არაყს, სადილად- ღვინოს.
15. ავადმყოფმა დანიშნული რეჟიმის დარღვევით ორგანიზმში შეიყვანა შემწვარი გოჭი და აჯიკა.
16. ავადმყოფს აღენიშნება მდგომარეობის გაუმჯობესება: ფეხებს უკვე დამოუკიდებლად ჭიმავს.
17. წარმატებული მკურნალობის შემდეგ პაციენტი გაეწერა რაიონული პათოლოგანატომის მეთვალყურეობით.
18. მას შემდეგ რაც პედიატრმა ახალშობილი გასინჯა საჯდომზე მსუბუქი წამორტყმის შემდეგ ამოისუნთქა და დაიყვირა.
19. ავადმყოფი დეპრესიაშია და გამუდმებით ტირის. ამავე დროს ჩანს რაღაცაზე გულნატკენია.
20. სწორი ნაწლავის გამოკვლევამ ნორმალური ზომის ფარისებრი ჯირკვალი გამოავლინა.
21. ავადმყოფი ნ.გ. ასაკი 70 წელი. დიაგნოზი: მწვავე ქოლეცისტიტი, თანმხლები პათოლოგია- ქალწულობა.
22. ავადმყოფს აღენიშნება ცოლი, 2 ქალიშვილი და საზარდულის თიაქარი.
23. მიმართვა უროლოგიურ კლინიკაში: მარჯვენა თირკმლის დაჟეჟილობა თვითმცლელზე. ”

24.სიცხის დაწევის მიზნით 3 წლის გოგონას პედიატრმა დაუნიშნა სანთლები და დედა 3 დღის მერე კონსულტაციაზე დაბრუნდნენ, დედა და ბავშვი და დედა ამბობს: ექიმო, ძაან კი გაგვიჭირდა ამ სანტლების მიღება, ერთიანად ვერ ყლაპავდა დამეხრჩო კინაღამო და მერე დავუჭერი და ისე გადავაყლაპეო

25. ნარკოლოგიურსი ერთი კაცი მოვიდა და ექიმ ქალს  რაღაც ეცნო და იფიქრა ალბათ ადრეც უმკურნალია ჩემთანო და ეკითხება: _უკაცრავად, თქვენ ადრე ჩემთან იწექიო? ამ კაცმა სიამოვნებით ახედ- დახედა და უპასუხა: _ არა, ქალბატონო, მაგრამ სიამოვნებით დავწვებოდიო….

26. ახალგაზრდა მამაკაცი  შედის აფთიაქში და კითხულობს : მასკულანი გააქვთ? ფარმაცევტი პასუხობს: დიახ. ახალგაზრდა: 2 ტაბლეტი მომეცით თუ შეიძლება! ფარმაცევტი: ეს ტაბლეტებში არ არსებობს. ახალგაზრდა: მაშინ თუ შეიძლება 2 ამპულა? gigi.gif

27. ავადმყოფი ექიმს: ”წაჭების ექოსკოპია გავიკეთე და კარგადაა ყველაფერიო” ჭაჭები -ტირკმელები 🙂

”ოჯახის მკურნალის” რედაქციაში შესული ფრთიანი კითხვები

”ცუდი საცხოვრებელი პირობების გამო ავად გავხდი საშვილოსნოსგარე ორსულობით!..”
”როგორ უნდა გავხდე კბილის ზოოტექნიკოსი?”
”ვიცი, რომ სიგარეტის მოწევა ავიწროებს ტვინის ნაზ სახსრებს”.
”თქვენი დახმარება მჭირდება, იმიტომ, რომ ჩემი მეუღლე დაავადებულია არასინქრონული სარკაზმით”.
”გთხოვთ, მოგვითხროთ იმ დაავადებების შესახებ, რომლებიც ადამიანს ”გადაედება” (ეს სიტყვა ბრჭყალებში თავად მკითხველმა ჩასვა, ამიტომ მან სულ სხვა შინაარსი შეიძინა) წვრილფეხა საქონლისგან, ცხვარი, თხა და სხვა”.
”გადაედება თუ არა სიფილისი იმ შემთხვევაში, თუ ამ დაავადებით დაავადებულ ადამიანთან სტუმრად მივალთ?”
”ჩემი სიყვარული ქმრისადმი მოკვდა გინეკოლოგიურ სავარძელში”.
”ირგვლივ ყვავის მედიცინა – ხალხი კი კვდება” (ვერაფერს იტყვი, სწორი შენიშვნაა…).
”ჩემი შვილიშვილი ძილის დროს დადის, განსაკუთრებით მაშინ, როდესაც ტუალეტში უნდა”.
”დაავადება გაზაფხულივით მომეპარა”.
”ჩემი ასაკი – 58 წელი, სქესი – მამაკაცი, პროფესია – ერთი დღე ვმუშაობ, ორი დღე ვისვენებ”.
”ცხოვრებაში ერთხელაც კი არ დამსიზმრებია ფერადი სიზმარი. ნორმალურია თუ არა ეს?”
”თქვენი ჟურნალი – სიკვდილისა და სიცოცხლის შესანიშნავი მასწავლებელია”.
”ძალიან გვინდა, უფრო მეტი გავიგოთ სექსუალური შერწყმის შესახებ: როგორ და ვისთან უნდა ჩავატაროთ ის?”
”გიგზავნით ჩემი ცხვირის ფორმას”.
”მართალია თუ არა? მითხრეს, რომ თუ ჭორფლისგან თავის დაღწევა მსურს, 5-6 წუთით თავი უნდა ჩავყო ჭიანჭველების ბუდეში”.
”რა უნდა გავაკეთოთ, რომ ჩამოგვიყალიბდეს ლაპარაკის სწორი დეფექტი?”
”იმდენად რამდენადაც არ მივეკუთვნები ჭკვიანთა რიგებს, გადავწყვიტე, მომემართა ”ოჯახის მკურნალისათვის”.
”თქვენი სტატიები სქესობრივი აღზრდის შესახებ სამხედრო დისციპლინის გამყარებაში გვეხმარება” (თუ ასეა, მგონი, ავშენდით! – დ. დ.).
”კარგი მუშაობისთვის საპატიო დაფით დამაჯილდოვეს”.
”საცხოვრებელი ადგილის მიხედვით ვიტანჯები სქესობრივი სისუსტით”.
”ბავშვობიდან და გათხოვებამდე არ ვიცოდი, ავადმყოფობა რა იყო, ჯანმრთელი ვიყავი სიგრძე-სიგანეში”.
”რატომ არის, რომ, როცა გაზიან წყალს ვსვამ, გაზი ცხვირში კი არა, პირდაპირ თავში მირტყამს?”
”სამწუხაროდ, სექსუალური საკითხების მხოლოდ ზედაპირზე ვტივტივებ, რადგან უნივერსიტეტში ამ საკითხში განათლება არ მიმიღია”.
”ავად გავხდი და მთლიანად ავადმყოფობაში გადავეშვი, პროფკავშირის საწევროებსაც კი აღარ ვიხდი”.
”დიდი სიამოვნებით გწერთ ჩემი გაჭირვების შესახებ…”
”მყავს ცოლი, თუ შეიძლება ასე ეწოდოს მას”.
”ჩემი ცოლი შეურაცხყოფას მაყენებს სექსუალური ხასიათის მორალურ-პედაგოგიური შენიშვნებით”.
”არავისთან ანატომიურ სიახლოვეში არ ვყოფილვარ”.
”მინდა ამიხსნათ, რა მომელის სამეცნიერო-პოპულარული მხედველობის თვალსაზრისით”.
”ამბობდნენ, რომ ამ ზაფხულს ძნელი იქნება ზაგარის მიღება, ის კი არა, იმასაც მოვკარი ყური, რომ ამ საკითხზე თბილისში დიდი თათბირიც გამართულა”.
”მე რომ სრულყოფილი მამაკაცი ვიყო, წარმომიდგენია, როგორი სასიამოვნო იქნებოდა ეს ჩემთვის და გარშემომყოფთათვის…”
”ჩემი ქალიშვილი ექიმ-ყელყურისტთან არის აღრიცხვაზე…”
”სქესობრივ საკითხს უსაფრთხოების ტექნიკის გარეშე თავს ვერ დააღწევ”.
”ყურადღებით წავიკითხეთ თქვენი სტატია, მაგრამ ვერაფრით ვერ გავიგეთ, რა არის საშვილოსნოს ყელი. იქნებ, ახლა მაინც გაგვაგებინოთ ზუსტად”.
”მე ავადმყოფობებით სავსე ტომარა ვარ”.
”რა არის აბორტი? ჩემი დაქალი ერთს ამბობს, მე – მეორეს. რომელია ჩვენ შორის მართალი?”
”თავის ქალას ახდის შემდეგ მივედი ექიმთან…”
”რა უნდა გავაკეთოთ სლაბი სექსის დროს?”
”განვიცდი საშინელ ტკივილებს ადამიანობისა და პიროვნების მიდამოებში”
”შეიძლება თუ არა სქესობრივი ურთიერთობის გამო მოხდეს ფეხების გამრუდება?” (ბარემ აქვე გიპასუხებთ: არ შეიძლება – დ. დ.).
”ხშირად მეფხანება ზურგი, ხელით ვერ ვწვდები და ჩანგალს ვიშველიებ”.
”მე ძალიან რთული და ლამაზი ფიგურა მაქვს”.
”ძალიან მაინტერესებს, არის თუ არა თბილისში პროფესორი მთავარი ტვინის საკითხებში?”
”საავადმყოფოდან თვითნებურად გამოვეწერე”.
”როგორ შევიდეთ სექსუალურ ურთიერთობაში ისე, რომ არ გავაბრაზოთ ქალი?”
”ახალგაზრდობაში თვითმომსახურებით ვიყავი დაკავებული, ახლა 40 წლის ვარ და ოჯახური ცხოვრებისათვის ვარგისი ვარ?”

დასასრულს ეს რომ არ დავწერო არ იქნება, ინტერნეტ სივრცეში საკმაოდ ცნობილი ანეგდოტია

გარდაიცვალა ცნობილი კარდიოლოგი. დაკრძალვის ცერემონიაზე, მივიდნენ კოლეგები, ილაპარაკეს მის წარმატებებზე. ბოლოს ყვავილებისგან გაკეთებულ უზარმაზარ გულზე მიუთითეს, ეს ჩვენი უკანასკნელი საჩუქარიაო. ცერემონიის ბოლოს ეს გული გაიხსნა და კუბო ნელ-ნელა შიგნით შევიდა. ამ დროს პროქტოლოგს გული წაუვიდა. ის გინეკოლოგმა წამოაყენა და ჩაჩურჩულა: “შენც ჩემსავით შენი დაკრძალვის ცერემონია წარმოიდგინე?”

თუ ბი ქონტინიუდ თუ კი რაღათქმა უნდა მოგეწონათ 🙂

Read Full Post »